Velkommen til barnehagen vår.

Tryggheim barnehage er ein privat barnehage med 2 avdelingar, Kløver og Fiol. Vi har totalt ca. 48 plasser. Barnehagen er ei avdeling under NLM barnehagane A/S, som er eigd av Norsk Luthersk Misjonssamband. Barnehagen har ei vid praktisering av barnehagelovas kristne formålsbestemmelsar. Det kristne innhaldet formidlar vi på ein enkel, trygg og positiv måte.

Barnehagen var ny i 1976, men har i løpet av åra vorte både påbygd og modernisert. Vi har ei stor og flott naturtomt som utfordrar til allsidig bruk av kroppen og kreativ leik. På baksida av barnehagen har vi frukttrær og kjøkkenhage. Her haustar vi til dømes poteter, epler og sukkererter. Grillhytta er flittig i bruk heile året, der er det varmt og godt. Vi har mellom anna samling, lesestund, vi lagar mat og koser oss med den. I gapahuken står bålpanna klar, vi grillar og lagar forskjellige matrettar også her. Gapahuken blir flittig brukt.